Roz E Ashoor Kahtin Thin Maadar – Haye Asghar Mere
Wordings
English
Roz e Ashoor kahti thiN Maadar, Haye Asghar mere, Haye Asghar
Kaise dil ko sukooN ho Mayassar, Haye Asghar mere, Haye Asghar
Roz e Ashoor kahtiN thiN Maadar, Haye Asghar mere, Haye Asghar
Kaise taqdeer Maine hai paaye, Mil gaya dil ko daagh e judayi
Dil ke tukde hue haiN bahattar, Haye Asghar mere, Haye Asghar
Haye Karbobala ki zameeN par, Chhain paya na dil ne kahin par
Yeh zameeN hai ghamon ka samandar, Haye Asghar mere, Haye Asghar
Tere tasnalabi ke MaiN waari, Ashq ab bhi haiN aakhon se jaari
Sookhe hootoN pa qurban ho Maadar, Haye Asghar mere, Haye Asghar
Aise Maa ko na apni saza do, Ho kahaN Laal Mujhko sada do
Aao aao Meri jaan Asghar, Haye Asghar mere, Haye Asghar
Roz e Ashoor kahtiN thiN Maadar, Haye Asghar mere, Haye Asghar
Dil ke armaaN kare kaun poore, rah gaye khwaab mere adhoore
Hasrate rah gayeN haaye ghut kar, Haye Asghar mere, Haye Asghar
Raat taareek sunsaan sahera, Har taraf hai laeenoN ka pahera
Tumko chhodoN akela Main kyunkar, Haye Asghar mere, Haye Asghar
Jab Padar ne madad ko bulaya, Khud ko jhoole se Tum ne giraya
Muskuraye suna teer kha kar, Haye Asghar mere, Haye Asghar
Tum ko dhoondoN kahan tumko paooN, Rote rote yuhin mar na jaoon
Saas ghhuti hai seene ke andar, Haye Asghar mere, Haye Asghar
Roz e Ashoor kahtiN thiN Maadar, Haye Asghar mere, Haye Asghar
Rann meiN kamsin Teri zaat waahid, Faqr hai tujh pa Nannhe Mujahid
Gore gaaloN pa qurban ho Maadar, Haye Asghar mere, Haye Asghar
HasliyoN wale Masoom Bachche, kar ke tujh ko Khuda ke hawale
Ja rahi hai yeh Majboor Maadar, Haye Asghar mere, Haye Asghar
Roz e Ashoor kahtiN thiN Maadar, Haye Asghar mere, Haye Asghar
Aisi dekhi nahin mehmaani, Haye Asghar ne paya na paani
Karbala mein Raza* eik tha mahshar, Haye Asghar mere, Haye Asghar
Roz e Ashoor kahtiN thiN Maadar, Haye Asghar mere, Haye Asghar
Kaise dil ko sukooN ho Mayassar, Haye Asghar mere, Haye Asghar
