Guzar Gayi Jo Qayamat Kisi Ko Kya Maloom
Wordings
English
Guzar gayi jo qayamat kisi ko kya maloom
Yateem ho gaye Hasnain o Zainab o Kulsoom
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Woh zaqm tha ke mussalla lahoo mein doob gaya
Imaam e Waqt ka chhera lahoo mein doob gaya
Malak pukar ke Kaaba lahoo mein doob gaya
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Sar e Ali pe lagi hai zaher mein bujhi talwaar
Zameen cheekh uthi, aasmaan hua bezaar
Khuda ke ghar mein luti Fatima ke ghar ki bahaar
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Ajeeb haal hai dil ka padar ki furqat se
Hussain dil ko samhale hue hain himmat se
Hassan ko dekh raheN haiN nigha e hasrat se
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Yateem o Bekas o Muflis ka Zimmedaar chala
Chala jahan se ghareebon ka Ghamguzaar chala
SukooN jo baat raha tha, woh Beqaraar chala
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Ba waqt e sajda kiya waar ibne muljim ne
Utha na paye Imaam apna sar sajde se
Faza mein goong uthe Gibraeel ke naale
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
SukooN ke saath koi lamha bhi guzar na saka
DawaeeN laakh hui, sar ka zakhm bhar na saka
Yeh aftaab yuhN dooba ke phir ubhar na saka
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Woh aftaab ke soorat se roz ubharta tha
Woh dushmanoN ki bhi Mushkilkushai karta tha
Ushi ko zakhm diya hai jo zakhm bharta tha
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Unhe Padar ki judaai ka ho gaya ehsaas
ZabaN se kuch nahin kahteN khamoosh hain Abbas
Bade adab se khade hain, magar Hussain ke paas
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
Nabi ke baad kuch is tarha se phiri duniya
Phir eik din bhi Ali ki na ho saki duniya
Suroor* mere nazar se bhi gir gayi duniya
Ali Shaheed hue, Ali Shaheed hue, Ali Shaheed hue
Guzar gayi jo qayamat kisi ko kya maloom
