Kahtin Thin Khawar E Shah E Deen Haye Kya Karen

Wordings

English

KahtiN thiN Khawar e Shah e Deen Haye kya karen
Ai dosh e Mustafa ke Maki kya karen
KahtiN thiN Khawar e Shah e Deen Haye kya karen

Bacchen tadap rahen haiN andhera ghazab ka hai
Koi yahan chiragh nahin Haye kya karen
KahtiN thiN Khawar e Shah e Deen Haye kya karen

Ghar se jo saath aaye thay sab qatl ho gaye
Woh hain kahin toh hum hai kahin Haye kya karen
KahtiN thiN Khawar e Shah e Deen Haye kya karen

Abbas tum kahan ho Hamari maddad karo
GhereN hue hain dushman e deen Haye kya karen
KahtiN thiN Khawar e Shah e Deen Haye kya karen

Garadoon se khoon barasta hai chalti hain aandhiyan
Rooten haiN aasman o zameen Haye kya karen
KahtiN thiN Khawar e Shah e Deen Haye kya karen

Qasim Shaheed ho gaye jalti zameen par
Khaima bhi baithne ko nahin Haye kya karen
KahtiN thiN Khawar e Shah e Deen Haye kya karen

Dasht e sitam meiN thokrey khaatin hain bibiyan
Jayen kahan yeh parda-nashin Haye kya karen
KahtiN thiN Khawar e Shah e Deen Haye kya karen

Bikhre hue hain dil ke yeh tukade zameen par
Hoten hain yeh bhi zulm kahin Haye kya karen
KahtiN thiN Khawar e Shah e Deen Haye kya karen

Eik simt khak o khoon mein Qasim bane huey
Akbar sa naujawaan nahin Haye kya karen
KahtiN thiN Khawar e Shah e Deen Haye kya karen

Ai Sadr* Shah ki laash par Zainab ki yeh fughaN
Dekho sata rahen hain laien Haye kya karen
KahtiN thiN Khawar e Shah e Deen Haye kya karen

Shares
Scroll to Top