Shahadatâ Hazrat Imam Ali Raza as

Wordings

English

masmoom huEy lakhte dil’e Saaqiye Kausar, wa hasrato darda
Moosiye Raza, mominoN ke aathweiN rahbar, wa hasrato darda

Ma’amoon ne pahle to Madine se bulaaya, naana se chuRaya
phir zahr diya apna wali_ahed banaakar, wa hasrato darda

likkha hai ke ek roaz qareeb apne bulaakar, izzat se bithakar
angoor ba-israar diye zahr milaakar, wa hasrato darda

go ilm tha, par marziye haq se rahe majboor, aur kha liye angoor
khaate hi jise Shaah ki haalat hui abtar, wa hasrato darda

phaila asar, uRne laga rAnge rukhe purnoor, aur rakh diye angoor
phir aabe anaar aah diya zahr milaakar, wa hasrato darda

uth kar chale fauran hi to maamoon ne poocha, hai qasd kahaaN ka
farmaaya wahaaN jaata hooN, bheija hai jahaaN par, wa hasrato darda

yeh kahte hi waapas huEy baitush’sharaf aaqa, afsoas ki hai jaa
duniya se usi shab ko sidhaare suEy Kausar, wa hasrato darda

te’eisweeN zeeqaad, jumeraat ke din aah, mahshar hua barpa
san do sad o sah hijri mein maatam hua ghar ghar, wa hasrato darda

gO deiRh baras Basr’e meiN aey Fikr* rahe hUm, lekin yeh raha ghUm
Mashad ki ziyaarat na hui phir bhi mayassar, wa hasrato darda

Shares
Scroll to Top