Bano Nay Kaha – Jaan Say Pyare Ali Asghar
Wordings
English
Dukh ka kali Yeh kiski Faryaad — UP TO 28 SECONDS!!!
Soona Jangal bhor andhera Asghar aa ja paas
Bano ne kaha, Jaan se pyare Ali Asghar
Kya soo gaye darya ke kanare Ali Asghar
Tum paas se mere to laga rehta tha jee bhi
Tanhai mein maan kisko pukare Ali Asghar, Pyare Ali Asghar
Tum jiski Amaanat they gaye paas usi ke
Kyon chhute agar hote hamare Ali Asghar, Pyare Ali Asghar
Woh dhoop ki shiddat se din kat gaya Lekin
Kis tarah se maan raat guzare Ali Asghar, Pyare Ali Asghar
Aa jaao to jee bhar ke tumhe pani pila laoon
Ya kyun hain Chacha naher kinare Ali Asghar, Pyare Ali Asghar
Akbar hain na Qasim hain na ab Aun o Mohammad
Sab chooth chuke mere sahare Ali Asghar, Pyare Ali Asghar
Din dhal gaya raat aa gayi dar lagta hai Beta
Phir koi shaqi teer na maare Ali Asghar, Pyare Ali Asghar
Ek lamhe ko phir khaime me aa jaao ke Maadar
Woh khoon bhara kurta to utare Ali Asghar, Pyare Ali Asghar
Aagosh me tum ho ge to shayad yeh sitamgar
Bandhe ge na phir haat hamare Ali Asghar, Pyare Ali Asghar
Kohraam tha Izzat* lab e baalon pa buka thi
Aa jao ke maa jaan ko waare Ali Asghar, Pyare Ali Asghar
Kya soo gaye darya ke kanare Ali Asghar
Bano ne kaha, Jaan se pyare Ali Asghar
