Ibn E Muljim Ne Haider Ko Mara – Roze Daro Qayamat Ke Din Hain

Wordings

English

Ibn e Muljim ne Haider ko mara
RozadaroN qayamat ke din haiN

Ham se chut-ta hai Maula hamara
RozadaroN qayamat ke din haiN

Sooni qabr e Rasule Khuda hai
Ghar me Zahra ke aah o buka hai
Khaak urrata hai Haider ka kunba
RozadaroN qayamat ke din haiN

Aale Ahmed pe aafat hai aayi
BekasoN par yateemi hai chhaayi
Utth gaya sar se Haider ka saaya
RozadaroN qayamat ke din haiN

Kyun na royeN yeh woh gham nahi hay
Shab yeh Aashur se kam nahiN hay
Khuld me bhi yeh matam hay barpa
RozadaroN qayamat ke din haiN

Ghar me Khaliq ke Haider ko mara
Jaanasheen e payambar ko mara
Haaye sajde me Haider ko mara
RozadaroN qayamat ke din haiN

Dil hilate haiN Zainab ke nale
Khak urrate haiN sab kunbe wale
Utth raha hai Ali ka janaza
RozadaroN qayamat ke din haiN

Roak khame ko Shoukat* khudra
Zabtt gham ka nahiN dil ko yara
Bas hai roone ka itna ishara
RozadaroN qayamat ke din haiN

Shares
Scroll to Top