Zulm Laeen Yeh Kya Kiya – Anjuman E Sajjadiya Qadeem

Wordings

English

Zulm laee’n yeh kya kiya, khauf e Khuda na kuch kiya,
Maara Ali ko be khata, khauf e Khuda na kuch kiya,
Zulm laee’n yeh kya kiya, khauf e Khuda na kuch kiya,

Tha jo Nabi ka Janasheen, tha jo Imaam e Momineen,
Sajde meiN Uspe ki jafa, khauf e Khuda na kuch kiya,
Zulm laee’n yeh kya kiya, khauf e Khuda na kuch kiya,

Hil gaye saaton aasma’n, aaya zameeN ko zalzala,
Waar shaqi ne jab kiya, khauf e Khuda na kuch kiya,
Zulm laee’n yeh kya kiya, khauf e Khuda na kuch kiya,

Laya bujha ke zeher se, tegh laeen yeh haef hai,
Qatl namaz mai kiya, khauf e khuda na kuch kiya,
Zulm laee’n yeh kya kiya, khauf e Khuda na kuch kiya,

Kehte the yeh Hasan Hussain, peet ke sar ba shor o shain,
Qatl Imaam ko kiya, khauf e Khuda na kuch kiya,
Zulm laee’n yeh kya kiya, khauf e Khuda na kuch kiya,

Haef hai duniya ke liye choRda laee’n ne deen ko,
Qatl Imaam ko kiya, Khauf e khuda na kuch kiya,
Zulm laee’n yeh kya kiya, khauf e Khuda na kuch kiya,

Maara Ali ko bekhata, khauf e Khuda na kuch kiya,

Shares
Scroll to Top